KALENJIN 21 - 45

1.  Ee, sobondanyu, ilosu Laitoriatab kipsengwet; Mwa kongoi amu kialin, ki'soobin, kinyoun kaat. Inendet Laitoriandeng'ung', ne ma walaksei agoi. 2.  Ee, sobondanyu, ilosu Jesu Kiptaiyandeng'ung', Amu rirenech ge mising', Inendet ko bo chamnyet. Nenyi kondit ak imanda. Ine ne iberurech. 3.  Ee, sobondanyu, ilosu Jehovah ne Kwandanyo, kanabech eng' eunnyi; ba-ech ak komutatech. Mestowot ne mie Inendet ki kechirekyik achek. 4.  Ongilosu achek tugul Inendet ne kisoruech. Tun kilosu ak malaika ak tugul the kigondo. Ongilosu Yetindennyo Laitoriatab kipsengwet!

1.  Jesu Kristo ko Yetindet Ne kichamech kot koalech. Ongigochi mugulelwek AK tuguk tugul. 2.  Jesu  Kristo ne igiilech AK kogonech kimnatennyi; Ki ribotin eng` eunnyi Achek lagokyik. 3.   Kinyo ng`ony  Yetindet  Jesu Si kotiachech eng' tengekto. Ongilosu Jesu kityo Amu kichamech. 4.  Ongiyumge Si kilosu Amu ma' konyo koguurech, Asi ketoroch Inendet Eng' boibo-indo. 5.  Namech  Jesu eng` eunnyi Agoi betut ne imutech, Si ketebye ak kilosu Betusiek tugul.

1.  Kilosun mising', Kamukta-indennyo , Am u Wering'ung'  Jesu  ne  kigotiachech.      Haleluya! I toror  Kot!      Haleluya! Amen!      Haleluya! I toror  Kot!      Kilosun iman! 2.  Kilosun mising' amu Tamirmiriet Ne king'ang 'wech Yetindet eng` sobonwekyok. 3.  Kigonyitin kot amu Ki-ibwatech - Ki-icheng'ech ache`k che kigi betyotin. 4.  I-ng'eetech nguno eng` Tamirmirieng'ung` AK irong'ji chamnyeng`ung` mugulelwekyok. 5.  Igochi kosik bik eng' mesundeito Si koyan Kiptaiyat koek lapkeiyenywa.

1.  Kime Jesu eng' Kimurtoiyot Ye kianyorune kasoobet, Anyorjini yoto kaunet Alosu Jesu!  Alosu Yetindennyu,  Jesu, Kiptaiyandennyu!   Anyorjini yoto  kaunet   Alosu Jesu! 2.  Ki'mutwa  among`une  chalwok; Kitaacha  Jesu  aek  nenyi; Menyei  nguno  muguleldanyu Alosu Jesu! Alosu Yetindennyu, Jesu, Kiptaiyandennyu! Menyei nguno muguleldanyu Alosu Jesu! 3.  Akwong'e eng' Katiaknatenyi , Ne Ki-itiacha eng' chamyenyi ; Ki'tilila ak komutata Alosu  Jesu! Alosu Yetindennyu, Jesu, Kiptaiyandennyu! Ki `tilila ak  komutata Alosu Jesu! 4.  Nyonji nguno Kiptaiyandennyo; Nyo ak itach yetunet ne o. Nyo si keboibo-itu tugul Kilosu Jesu Ongilosu Yetindet , Jesu ne Kiptaiyandet! Nyo si keboibo-itu tugul Kilosu Jesu!

1.   Mami Kainet ne mie kosiir Kainetab Jesu  Kristo; Kisib komwa malaikayat Kotom kesich inendet      Kilosu Jesu Yetindet;      Kigonyiti Inendet,      Amu magingen kainet age       Ne u no bo Jesu. 2.  Kosobindet ne mie Jesu Ne 'soobi mugulelwek. Ye kingemi otwoknatet Komechech si kotiachech. 3.  Tiseiywondet ne o Jesu Ne saiywech eng' kipsengwet, Ak ye kisa eng' Kainennyi Kogaswech sa-utikyok.

1.  Ng'o ne ru-ei eng' kaptich Ne kutung'jin mestowek?      Yetindet, katiagindennyo,      Laitoriat, Kiptaiyandennyo.      Ongibutyi kelyekyik      Ak kilosu Kainennyi. 2.  Iberuri ng'o Che chang' Eng' Logoiywekyik che miach? 3. Ng'o ne sa-ei Inegei Eng' koret Getsemane? 4.  Mitei Ng'o kimurtoiyot Ne kame amu achek? 5.  Ng'o ne mong'une me-et koek  Toretindennyo? 6.   Weeksei  Ng`o eng` kipsengwet Nyo kobo-u ng'ony  tugul?

1.  Kimong` ng'o eng' kipsengwet? Jesu Yetindennyo. Kinyo ng'o kotoretech? Jesu Toretindet.      Ongetien kilosu kot      Jesu Kosobindennyo;      Kigome komechi bik      Inendet Yetindet. 2.  Kiarorwech ng'o sobon? Jesu Sorunindet. Kinyo ng`o kogoitogei? Jesu Katiagindet. 3.  Ng'o ne mie mising' kosiir? Jesu Yaakta-indet. Ng'o ne kial  bikab ng'ony? Jesu Alindennyo. 4.  Nyochin kaat  ng'o bik tengek? Jesu Tiseiywondet. Nyonei ng`o tun komutech? Jesu Latoriandet.

1.  Kitieni tiendab boiboiyet  Amu Yetindennyo.  Kicham kochorgei eng' barak  Kome amu achek.       Kiboiboi, kiboiboi       Amu Yetindennyo.       Kiboiboi, kiboiboi       Eng' mugulelwekyok. 2.  Kaguurok Yetindet nguno  Obwa ogas ng'alek:  Isoobi Jesu chi tugul  Ne taachei ng'alekyik. 3.  Osigu ra che ka-ogas  Ng'alekab yetunet.  Obwanji Jesu ngunoto  Amu ma-onok chi 4.  Ye mi Yetindet kobotech  Ko magiywei nyalil,  Amu igimitech Ine  Eng' ka-iimutikyok. 5.  Mi bik che chang' eng' ng'onyuni  Che tom ko kas Ng'alek.  Obwa,kemwaite Logoiywek  Keot Yetindennyo.

1.  Atieni ak alosu Jesu ne kiyeta. Anyorune Inendet Berurtanyi ne o; Bo tiendanyu Kiptaiyat, Aruetab Jehovah; Kitarta korotikyik Kosobindet ne mie. 2.  Atieni ak alosu Betusiekyuk tugul. Abwatoti chamnyennyi Ne riba kotugul. Bo tiendanyu  Kiptaiyat Agot eng' nyalilda, ine ko Ribindennyu Ne namei e-unnyu. 3.  Atieni ak alosu Eng' sobennyu tugul; Agiilige eng' banda Kota amite ng'ony. Bo tiendanyu Kiptaiyat Alosu kotugul, Agoi koguura Jesu Komuta kipsengwet.

1.  Ongetien agobo Jesu Ne  kinyo kogoitogei. Kibagach torornatennyi Komechech eng' Kalvari.       Ongetien .. agobo Jesu,      Inendet .. Yetindennyo.      Ongetien . . ak bikab Jesu,      Ongetien .. eng' boiboiyet. 2.  Kinyo Jesu oldaginye Koek Toretindennyo; Nyonei kogeny  betut age Ko u ye  kimwawech keny. 3.  Kagenam ng'alekab Jesu; Kagiyan logoiywekyik. Kagemete tengekwogik AK bitonwekyok che yaach. 4.   Kagosoob mugulelwekyok Jesu Kosobindennyo. Kagesich sobondab koigeny Eng' mieindanyi ne o.

1.  Abaibai bet aK Kemoi, Amwachi Jesu kongoi Amu menyei ine muguleldanyu. Atinye kalyet iman AK kaberuret ne o Amu menya Jesu, Yetindet!       Menya ra Yetindet!      Haleluya! Menya Inendet!      Abaibai bet ak kemoi,      Amwachi Jesu kongoi      Amu menya Jesu, Yetindet'. 2.  Kiagochige Jesu Koriba eng' bandanyu. Asuboti Ine betusiek tugul. Yoma masambwanindet; Aterteri inendet Amu menya Jesu , Yetindet '. 3.  Mi kobota eng' Oret, AK koriba eng' chamnyet. Abaibai amu atiagat eng' chalwok. Riba Tamirmiriennyi, AK konyiita boiboiyet Amu menya Jesu, Yetindet!

1.  Ee , sobondanyu , eb it Kong'alalun  Jehovah; Machei konai Inendet Ngot ichame eng' iman. 2.  Mwa-ei Ine ko u  ni: "Kiatiachin eng' tengek; Kia'staun mileng'ung'. Ak agonin kamuung'et. 3.  Tos mi kamet ne utie Lakwennyi ne chuchuni? Agot ngo mamage kiy, Ko mautien matiny. 4.  Ma walaksei chamnyennyu; O kot kosiir kipsengwet; Ak tebees kosiir nyanjet , Ak ko Kim kosiir me-et 5.  Ye tun `gesgei bandang'ung` Ak anyo amutin ga, Tos, anyorun igena? Tos, ichama eng' iman? 6.   Jesu, ming`in chamnyennyu. A-arogene noto: 'Nyiita Tamirmirieng`ung. Si kotesak chamnyennyu.

  1.  Kristo ne Kim  mising', Tonone  kwenunnyo; Iberur  tuiyoni Si kilosunenen. 2.  `Nyiitwech Tamirmiriet Sobonwekyok  tugul. "Stawech Ka-`iimutik Eng' mugulelwekyok. 3.  Ongigiilge anyun Eng` betusiek tugul, AK kigen Kiptaiyat Ne Laitorandennyo.

1.  Mitei tuguk alak Che Chang' Che kerenech  sautikyok; Ago inendet  ne sa-ei Konyoru toretet  ne o. 2.  I-sto-enech  mesundeito Lapkeiyetab Ng'olyondennyi, Asi kiguiye magennyi Eng' somanetab Ng'alekyik. 3.  Kinyoru kimnatet ne o Ye kisa-e eng' kayanet. AK ye ka-sa chitab Kristo Komwei oindet ngunoto. 4.  Amu  mie-indab  Jehovah Kerikyi eng' nyiganatet. Kisiche rirenetab ge Eng' betut  ne kiyalili. 5.  Ongebe taitab Jehovah Kesa eng' Tamirmiriennyi. Keripse betusiek  tugul Asi magichut  yomsosiek.

1.  Choruennyo Kiptaiyat Jesu Ne ki-ib chalwogikyok! Kichobwech lnendet oret Ne kisa-e Kwandanyo. Betwech kamuung'et ak kalyet, Ak kobiit chorirnatet, Amu magi-ipchi Kwanda Tuguk tugul eng' saet! 2.  Ye mi ka-iimet ak nyalil Anan ngo mi yomsosiek, Meng' kome muguleldang'ung' ­ Kasei Jesu sa-eng'ung'! Mami chi ne siirei J esu Ne kaswech ng'woninwekyok. l-ngen Jesu nyalulennyo ­ lpchi tugul eng' saet! 3.  Ye kabetwech kimnatennyo Ak ki-imige mising', Ongemwechi Yetindennyo Ne kaswech sa-utikyok. Ngot kosasech choronokyok Ketinye ne chamech kot. Namech Jesu eng' eunnyi Ye kirikyi eng' saet

1.   Amang'un Inyege Inye ne kimecha, Jesu Kristo. Kas saennyu nguno: 'Stawa tengektanyu; Kona aek neng'ung' Koboch rani. 2.  Ye ami ng'onyuni Ak kobiit .usisiet, Imutata. `Stawa toptobenet; Kona nyiganatet; 'Ndoywa, itoreta Asubotin. 3.  Ye tun karik me-et, Igona kamuung'et, Jesu Kristo; Kona kimnateng'ung'; Onwa ka'ywe-isiet; Imuta kipsengwet Eng' boiboiyet.

1.  Isiacha, Kiptaiyandennyu, Si anaige  komie, Asi abutyi kelyeguk Eng' sigunet iman-. 2.  Isiach sobondanyu tugul, Inye ne ingena. Iborua chalwok Che mita Si anai agane. 3.  Ikweng'ena lapkeiyeng'ung' Ole mi ya-itiet. Igimit  muguleldanyu Si awech  tengekto. 4.  Istawa kabwatutikyuk Che ibwa ya-itiet. Istawa magutik Che yaach Si maboiywa choto. 5.  Ikweng'ena lapkeiyeng'ung', Inye ne  I tilil. I-nyiitwa  Tamirmirang'ung` Si a-otin komie.

  1.   Arikyinin, Jesu, Yetindennyu, Matiny  ngo mi nyalil, Anan boiboiyet. Agakto-in,  Inye, Ne I Ribindennyu. Arikyinin mising', Toretindennyu. 2.  A kiprutoiyondet Eng' ng'onyuni. Mangen ane Oret Ole abune. Nyo, Jesu,  toreta; Nama, imutata . Arikyinin mising` Kando-indennyu 3.   Ribota, Kiptaiyat, Bet komugul; Si ye imen emet Imi kobota. Riba, Yetindennyu, Ye arue eng' kemoi. Arikyinin, Jesu, Mestowondennyu. 4.  Alosun, Jehovah I Kwandanyu. Bunun tuguk  tugul Che nyoljin sobet: O chamnyeng`ung` inne, Ne ma-igesugei. Arikyinin. Jesu, Kiptaiyandennyu.

1.  Kona chamyet ne o Jesu Kristo Kaswa saet nguno ye arikyin saenyu ni nguno, iteswa chamyengung kona chamyet, Kiptaiyandet 2.  Kiamangu mising tugukab ng'ony Ago nguno, Jesu, amachin kot Teswa chamyet neo si asubun komie Igiimitan, Jesu Kristo 3.  Ngot konyo usisiet anan nyalil Ataache kiy tugul eng kayanet Kona chamyet neo eng' sobenyu tugul Si alosun kiptaiyandet

1.  Jesu, Mestowot, i-ndoi-ywech; Ribech eng' euneguk. Ki cheguget; nyo iyumech; Egu Kando-indennyo. Jesu Kristo, iberurech; Ki-i-alech; ki cheguk. Jesu Kristo, iberurech; Ki-i-alech; ki cheguk. 2.  Ki-imwa ile itaa-chech Nganda ki muruonen  kot. Soruech, Jesu , eng' chamyengung , Ak itililech iman. Jesu Kristo , iberurech; Namech eng' euneguk. Jesu Kristo , iberurech ; Namech eng' euneguk. 3.  Toretech keyai mage-ng'ung` Eng' betusiekyok tugul. Inyiitech  Tamirmirieng'ung; Ba-enech Ng'olyondeng'ung' Jesu Kristo, iberurech; Ak igaswech saennyo. Jesu Kristo, iberurech; Ak igaswech saennyo.

  1.  Amachin, Yetindennyu, Ak anyone nguno ta-ing'ung'; I-una eng' korotik Si atebi kipkoi koboten.       Eng' betut ak kemoi      Iborua  kimnateng'ung'      Inama eng' chamnyeng'ung'      Ak imuta, Jesu, arikyin. 2.  I-ndoiywa eng' ng'onyuni Amu mangen Oret anege. Ye ayan ak agakten Ko mabetwa agoi oreng'ung' 3.   I-ngotesak chamnyennyu Kot komaluuch muguleldanyu; Si ye 'gesgei bandanyu Imuta ga, barak kipsengwet.

1.  kona, Jesu, muguleldo Ne chamei kolosun - Ne iunot eng' korotik Che kiga tumdagei. 2.   Kona, Jesu, muguleldo Ne kasin it komie; Muguleldo ne nyerat kot , Ne iming'inegei . 3.   Kona, Jesu, muguleldo Ne 'sto-egei tengek; Ne mabestos ak  Yetindet Eng' sobet  ak me-et. 4.   Kona, Jesu, muguleldo Ne nyiitat chamnyeng'ung`. Itilil kabwatutikyuk; Irib sobondanyu. 5.  Kona, Jesu, muguleldo Ne 'boibo-in agoi. Sirji kaneng'ung' orinnyu - Kaineng'ung' ne tilil.

1.   Jesu, Lapkeiyetab sobondanyu, Ng'ang'wa imandang'ung' eng` kotugul; 'Kweng'wa Oret ne abune Asi matekta mesundeito. 2.  Ye kait Sait ne kaimen emet. Ak a ng'etat amu  boisionikyuk, Kona awo aru komie AK iriba eng' mesundeito. 3.    Tebi kobota eng' kemoi tugul; Jesu, inegitena kot  koech. kona ang'eet achamege Si achobok ayai boisieng'ung;'. 4.    Jesu,  I  Lapkeiyetab kipsengwet; Mami mesundeito eng' oldang'ung' Iluuchi nguno orennyu Agoi tun a-itu ta-ing'ung'.

1.  A neng'ung`, Jesu, ka-agas ng'alek Che kamwawa chamnyeng'ung'; Ago anyun, asa-in eng' iman, Ta imuta arikyin. Yetindennyu, Kiptaiyandennyu, Nama asi arikyin. Nama, Jesu, nama; 'mutwa eng' chamnyet Si arikyin Inyendet. 2.  Kona boisieng'ung' ko u mageng'ung'; Igimita kot, Jesu. Inyiita mising' Tamirmirieng'ung' Si agasin it kityo. 3. Abaibai mising' ye anyonjinin Agutung'ji kelyeguk, Keng'alaljine eng' chamnyet ne o, AK ketinye yamdaet. 5.  Mayama chamnyet ne atindo-i; Ta inyiitwa chammng'ung' Toreta, Jesu. si abaiba-in Eng' betusiekyuk tugul.

1.  Tebi kobota, negit koimen; Tebi kobota, Kiptaiyandennyu Mami age ne toreta iman; Kiptaiyandennyu, tebi kobota. 2.   Choktoi kot betusiekab sobennyu, Choktoi' boiboi-osiekab ng'onyuni! Nganda walaksei tuguk che bo ng'ony, Ko mewalaksei; tebi kobota. 3.  Amakyininge betusiek tugul. Kirindawa ya-itwogik tugul. Mi ng'o age ne 'muchi kondoiywa? Tebi kobota eng' bani tugul. 4.  Ma'ywe-i bunik ngimi kobota; Ma-iima kiy agot ngo mi rirek; Matinyei me-et ng'wanindo nguna; ' Ma’ywe-i kiy ye imi kobata